Республика күні мерекесі қарсаңында Ұзынкөл аудандық балалар шығармашылық үйінде алғаш рет «Ақындар айтысы» ақындар фестивалі өтті. Іс-шараның мақсаты: ұлттық рух пен отансүйгіштікке, өз халқына, салт-дәстүрлеріне құрметпен қарауға тәрбиелеу, қазақ халқының интеллектуалдық сезімталдығын қалыптастыру. Ақындар айтысына Ұзынкөл ауданындағы 3 мектептен 6 оқушы, оның ішінде «Домбыра» үйірмесінің оқушылары қатысты. Айтысқа құрметті қонақтар аудандық мешіттің бас имамы Есенгелді қажы мен ауылдың қадірменді ақсақалы Кенесары Омарұлы шақырылды. Байқауға тыңғылықты дайындалған оқушылар аудандық мәдениет үйі қызметкерлерінің көмегімен ұйымдастырылған шеберлік сыныбына қатысып, өз өнерлерін көрсете білді. Бұл айтыс өнерлі, дарынды адамдардың басын қосты, олар өз өнерлерімен бізді таң қалдырды. Қазылар алқасының дауыс беру қорытындысы бойынша жүлделі орындар анықталды: 1 орын – Досумбекова Әсемгүл, 2 орын – Есілбай Мадина, 3 орын – Қайырбек Айым. Барлық қатысушылар қатысқаны үшін сертификаттармен және сыйлықтармен марапатталды. Балаларды дайындаған ұстаздар алғыс хаттармен марапатталды.
